Mr Lonely ට මුග්ධයා හමු වීම

මුග්ධයා... Mr Lonely ගේ හොඳ යාලුවෙක්. ඉස්සරහට කොටස් වශයෙන් දාන්න බලාපොරොත්තු වෙන Mr Lonely ගේ ජීවිත කතාවල එක්තරා චරිතයක් මුග්ධයා ගෙන් නිරූපණය වෙනවා.

නිකන්ම මේ ටික විතරක් කියලා වැඩක් නැති හින්දා මෙතන ඉදන් අපි පටාන් ගමු...

Mr Lonely සහ මුග්ධයා එකිනෙකා අඳුර ගත්තේ හරි අමුතු විදියට.

A-Level කරන කාලේ Mr Lonely ට A-Level කරනවාටත් වඩා ලොකු ඕනේ කමක් තිබුනා කෙල්ලෙක් දාගන්න.

ඒ ලෙවල් කාලේ කියන්නේ කොහොමත් ලොවෙත් පිස්සු වැඩ කරන කාලයක් නේ. ඉතින් Mr Lonely ට ඒ කාලේ කොල්ලුපිටිය පැත්තෙ බාලිකා පාසලක කෙල්ලෙක්ට හිත ගිහිල්ලා තිබුනේ.

සාමාන්යෙන් ඉතින් මුලින්ම කරන්නේ කරන්නේ නම, ගම විස්තර හොයන එකනේ. ඉතින් ඒකම තමා Mr Lonely ටත් ඕනේ උනේ.

මුග්ධයා ඉස්සර ක්ලාස් වල හිටිය සෙට් එකට Mr Lonely සෙට් වෙනවා මේ කෙල්ල ගැන හොයන්න. දවසක් මේ කෙල්ල ක්ලාස් එකට ඇතුල් වෙන කොටම මට එහාපැත්තෙ හිටපු එකා මේකිව පෙන්නලා ඇහුවා දන්නවා ද කියලා.

මුග්ධයා ත් ඒ කාලේ හොරාට වගේ වටේ පිටේ, තමන් යන එන රූට් එකේ ගැවසෙන කෙල්ලො ගැන ස්කෑන් එක දාගෙන හිටියේ. මුග්ධයා හවසට ක්ලාස් ඇරිලා යන රූට් එකේ බාගයක් දුරකට මේකිත් යන නිසා නෝට් වෙලා තිබුනේ.

"අහා ඔව්.. ඔව්.. මෙයා යන්නේ අර 174 බස් එකේ නේ..."

"අඩේ.. මේ... මෙන්න මූ දන්නව අරකි ඉන්න තැන..."

ඔන්න එතනින් තමා Mr Lonely හා මුග්ධයා පලවෙනි පාරට අඳුරගන්නේ.

ඒ කාලේ ඉතින් කෙල්ලෙක් ගේ ගෙවල් තියන තැන දැනගත්තා කියන්නේ සුවර් ඇන් සොට් ඊලගට කරන්නේ ගෙදරටම ෆලෝ අප් එකක් ප්ලැන් කිරිම.

දවසක යමු කියලා ප්ලැන් උනත් මුගේ තිබ්බ හදිස්සියට ඊට ඉස්සෙල්ලාම වැඩේ හබක් උනා...

ඒ උනාට ඒකට හරියන්න ගුටි නොකා බේරගත්ත සීන් ඊට පස්සේ උනා.

ඒවා ගැන මීලග පොස්‍ටුවේ කියන්නම්.